Dagaal culus oo ka socda duleedka Degmada Garacad ee gobalka Mudug

Dagaal culus oo u dhexeeya Ciidamadda Difaaca Puntland iyo kooxda Al-Shabaab ayaa goor dhaweyd ka qarxay duleedka deegaan xeebeedka Gobalka Mudug ee Garacad waxaana dagaalka uu yahay mid xooggan .

Dagaalka ayaa qarxay ka dib markii ciidamada Puntland ay salaadii subax ka dib weerar ku qaadeen ciidamo ka tirsan Al-Shabaab kuwaas isku dayey inay u firxadaan dhinaca Koonfureed.ee degmada Garacad.

Goob-joogayaal ku sugan Degmada Garacad ayaa xaqiijiyey in dagaalka uu ka socdo meel dhinaca koonfureed kaga beegan Garoonka Diyaaradaha ee Degmada Garacad.

Sarkaal ka tirsan Ciidamadda Puntland ayaa dhinaca kale sheegay in ay gacanta ku dhigeen Hub iyo Dagaalyahano ka tirsan Al-Shabaab waxaana maxaabiis la keenay Degmada Garacad.

A/Cawale
Halgan.net