Gal-Mudug oo Maxaabiis soo bandhigtay guulna ka sheegatay dagaalo ka dhacay Mudug (Masawiro)

Maamul-goboleedka Galmudug ayaa saaka waxaa uu faahfaahin ka bixiyey dagaal dhexmaray ciidanka Galmudug iyo Firxadkii Al-Shabaab kaas oo ka dhacay deegaanno ka tirsan gobolka Mudug,

Maxamed Aadan Cismaan Wasiirka warfaafinta Galmudug, ayaa warbaahinta u sheegay in malleeshiyada Al-Shabaab ay dagaalka uga dileen ugu yaraan 23 qof, 13 kalana ay qabteen iyaga oo nool.

Wasiirka warfaafinta Galmudug Maxamed Aadan Cismaan ayaa sidoo kale sheegay in firxadkii kooxda Al-Shabaab ay ka furteen hub iyo saanad badanwuxuuna sheegay in dagaalka ay ciidanka Galmudug uga dhaawacmeen 7 askari.
Wuxuu kaloo sheegay inay baacsadeen firxadii Al-Shabaab ay dagaalka la galeen,

Wasiirka warfaafinta Galmudug Maxamed Aadan Cismaan ayaa sheegay sidoo kale in dagaalka ka dhanka ah kooxda Al-Shabaab ay iska kaashan doonaan Maamulka Galmudug iyo Puntland ayna ka wada hadleen sidii la iska dhicin lahaa .

Dhanka Kale ciidanka Galmudug ayaa waxaa ay soo bandhigeen ciidamo ka tirsan Al-Shabaab kuwaas oo gaarayey ilaa 20 askari kuwaas oo dhamaantood dhalinyaro u badan.

A/Cawale
Halgan.net