Wafdi culimo ah oo safar dacwadeed ku tegay Gaalkacyo iyo Cadaado

Gaalkacyo:-Waxaa safar dacwo ah ku tagay magaalada gaalkacyo ee xarunta Gobolka Mudug wafdi culimo ah oo kala ah ustaad Cabdiasiis Cali Xasan oo ah maamulaha idaacadda Al Nuur ee magaalada Muqdisho , Sheekh Mukhtaar Mucalim Cilmi oo ah mucalim jaamacaddaha magaalada muqdisho,  waxaa kale oo wafdiga culimada ku biiray Sheekh Maxamuud Abuu Shaybah oo horay ugu sugnaa magaalada kana mid ah culimada Soomaaliyeed.

Culimada waxay nadwo wayn ku qabteen masjid ku yaalo magaaladda dhanka Koonfureed, nadwada oo ay ka soo qayb galeen dad aad u fara badan ayaa waxaa muxaadaraad ka soo jeediyey 3-da sheekh, culimadda waxay kale oo booqdeen jaamacadda bariga afrika ee Gaalkacyo iyo Machadka shareecada ee Muzani oo ah Machad ay dhigtaan arday fara badan oo gabdho iyo wiilalba.

Culimada ayaa intaa ka dib u safray magaalada Cadaado si ay muxaadaraad iyo weliba booqashooyin ugu kuurgalaan Skuuladda, Maraakizta dacwada, Masaajida ku yaal degmada Cadaado, waxayna booqoshooyinkan iyo nashaadkan uu qayb ka yahay acmaasha ay hirgelinayso Mu,asasada Safaa oo xarunteeda tahay magaalada Muqdisho iyadoo dhamaan magaalooyinka Koonfurtana faracyo ku leh.

Mu,asasada Safaa
Gaalkacyo,Halgan.net