Ciidanka Puntland iyo koox sheegtay Al-shabaab oo dagaal ku dhex marayo Deegaanka Suuj

Garoowe:-Wararka naga soo gaaray magaalada Garoowe ayaa sheegaya in Ciidamada dowladda Puntand gaar ahaan kuwa PSF ,PIS iyo ciidanka daraawiishtu ay weerareen deegaanka Toga Suuj oo ilaa 20 KM oo qiyaastii 20km dhanka Waqooyi beri kaga beegan tuulada Garmaal waxan ka socda dagaal u dhexeeya ciidamo la sheegay in ay yihiin Daacish kan go’ay Al-shabaab oo maalin ka hor ku yimid doon magaalada xeebta ah ee Garacad oo ka tirsan degmada Jariiban ee Gobolka Mudug.

Dadka deegaanka oo u badan xoolo dhaqato ayaa waxaa soo food saartay cabsi iyagoo ka baqaya in khasaaro ka soo gaarto hubka labada dhinac ay isku adeegsanayaan, waxaa aad u adag in la ogaado khasaaraha dhabta ah ee ka dhashay dagaalka socda.

Dhinac magaalada xeebta ah ee Garacad ayaa la sheegayaa in uu gaaray saaka Gen. Afdalow iyo ciidamo la socoda iyagoo ku biiray Ciidamo uu hogaaminayo Taliye ku xigeenka ciidanka Booliska Puntland Gen.C/qaadir Shire Faarax o o shalay gaaray degmada Jariiban ee Gobolka Mudug.

Wixii soo kordha kala soco Halgan.net

M_M_Deeq
Halgan.net