Lifechances Complementary School oo Xaflada u qabtay Ardayda.[Video]

Leicester:-Magaaalad Leicester gaar ahaan iskuulka Crown Hills ayaa waxaa ka dhacday maalintii ay taariikhdu ahayd 27.05.2013 xaflad ayaa waxa qabtay iskuulka Lifechances Complementary School  oo ah iskuul la aasaasay sandkii 2009, xaruntiisuna ay tahay magaalada Leicester gaar ahaan iskuulka Crown Hills.

Ardayda Xaflada loo qabtay ayaa waxaa ay Iskuulka Lifechances Complementary School  ka helleen caawinaad kale duwan gaar ahaan Maadooyinka kala ah Xisaabta, Sayniska, ingiriisiga. Lifechances Complementary School  ayaa u jeedada uu xafladaan u qabtay waxaa ay ahayd in warbixin lagu siiyo waalidka, abaalmarina lagu siiyo ardaydii ugu wanaagsanayd.

no images were found

Xafladaan oo si wanaagsan loo soo agaasimay ayaa ah Xaflad Sanad walba loo qabto ardayda si loo siiyo Shahaadooyin iyo Hadiyado si  ardayda loogu dhiiri geliyo dhinac waxbarashasa. Waxaa sanadkaan nasiib u helay in la siiyo  hadiyado  arday gaadhay say ilaa 30 arday kuwaas oo ahaa ardaydii ugu saraysay guud ahaan ardayda faraha badan ee dhigta iskuulka Lifechances Complementary School.

Lifechances Complementary School  ayaa ka mid ah Skuulada guul la taaban karo ka gaaray inuu ardayda tayadooda aqooneed kor u qaado Afartii sano ee uu jiray  iyadoo sababtu ay tahay hirgelinta Ilaahay iyo Maclimiinta oo ah kuwo aqoon iyo khibrad labadaba leh ahna macalimiintii iskuulaadka wax ka dhigayey mudada dheer.

Lifechances Complementary School  ayaa leh Manhajka u gaar ah oo tayo wax ku ool ah leh ardaydana loo dhameeyo sanad walba iyo weliba nidaam qoran oo lagula xisaabtamo ardayda iyo macalimiinta labadaba. Ugu danbaynii xafladu waxay ku soo gaba gabowday jawi farxad badan iyadoo waalidiinta la hadlay saxaafada ay aad u soo dhaweeyeen tayada aqooneed ee  Iskuulka  iyagoo si gaar ah ugu mahad celiyey macalimiinta iyo madaxda Iskuulka Lifechances Complementary School.

Hoos ka Daawo Video-ga Xaflada Lifechances Complementary School uu u qabtay Ardayda

Halgan.net