Taliyaha Ciidanka AMISOM ee gobolka Hiiraan Kornel Cismaan Dubad oo sheegay in ay deegaano qabsadeen

Hiiraan:Taliyaha Ciidanka AMISOM ee gobolka Hiiraan Col.Cismaan Dubad oo saaka saxaafada kula hadlay gudaha magaalada Baladweyne ee xarunta gobalka Hiiraan ayaa waxaa uu sheegay in ciidanka DFS  kuwo AMISOM  iyo ciidanka Itoobiya ay la wareegeen deegaano ku dhow magaalada Baladweyne.

Taliyaha Ciidanka AMISOM ee gobolka Hiiraan Col.Cismaan Dubad ayaa waxaa uu sheegay in ay la wareegeen  tuulooyinka kala ah Luuq-jeeloow, Baar, Ceel-Cali iyo Baardheere, waxaana uu intaas ku daraya in qabteen ilaa 11 qof oo ay uga shakisan yihiin in ay ka tirsan yihiin ciidanka ururka Al-Shabaab.

Taliyaha Ciidanka AMISOM ee gobolka Hiiraan Col. Cismaan ayaa sheegay inay sii wadi doonaan howlgallada ka dhanka ah ciidanka Al-shabaab wuxuuna ku goodiyey in ay ka saari doonaan Al-shabaab gobalka Hiiraan. Howlgalada ay ciidanka huwanta ah ay qaadeen saaka ayaa noqonaya howl galadii ugu horeeyey oo ay ciidanka Jabuuti ,kuwa DFS iyo kuwa Itoobiya ay ka fuliyaan deegaano ka tirsan gobalka Hiiraan ilaa intii laga qabsaday magaalada Baladweyne Ururka Al-shabaab oo in mudo ah ka talina yey.

Ilaa haatan ma jirto cid ka tirsan madaxda Al-shabaab oo ka hadashay guulaha uu sheegay Taliyaha Ciidanka AMISOM ee gobolka Hiiraan Col.Cismaan Dubad .

C/Casiis Maxmed
Halgan.net