Xubin ka mid ahaa guddiga doorashooyinka Puntland oo maanta iska casilay

Boosaaso:-Dr. Yuusuf Xaaji Siciid, ayaa maanta shaaca ka qaaday inuu iska casilay xubintii uu ka ahaa guddiga KMG ah ee doorashooyinka Puntland, isagoona ku nuuxnuuxsaday inuu ka biyo diidaay qaabka wax u socdaan iyo shaqada guddiga uu ka tirsanaa.

Mas’uulkan, ayaa sheegay inuu mar horeba iscasilaaddiisa u gudbiyey baarlamaanka, maadaama markii hore uu guddiga kaga soo biiray baarlamaanka, wuxuuna ka gaabsaday inuu faahfaahin dheeraad ah bixiyo.

Yuusuf Xaaji Siciid, ayaa noqonaya xubintii ugu horeysay ee iska casisha guddiga doorashooyinka ee Puntland, iyadoona ay soo dhowdahay doorashadii ugu horreysey ee golayaasha deegaanka ee Puntland.

Halgan.net/Somalireal