Muxaadaradii ugu horeysey Nadwo xalay lagu qabtay Masjidka Madiina ee Burco [Video+Cod]

Waxaa xalay  ka bilaamatay Masjidka Jaamicul madiina ee magaalada Burco silsilad muxadarooyin ah oo  ay soo qaban qaabiyeen Culimo iyo Arday ka socda Jaamicatul Madiina Almunawara ee dalka sucuudiga. Muxaadaraadkan oo manhaji ah, kana hadli doona dhinacyo kala duwan waxaa  loogu tala galay in lagu iftiimiyo  masaa’il badan oo  looguna tala galay inay ka faa’iideystaan dalabatul cilmiga.

Waxaa xalay  oo ay bishu tahay 25/06/2013 M. kuna beegan 18/8/1434 Muxadaadaradii ugu horaysay ka galay Masjidka Jaamicul Madiina ee magaalada Burco Dr. Faysal Maxamed Cali muxaadaradaas oo ciwaan keeedu ahaa “Ku talaxategida Diinta (Alquluwu fi diin) “ in diinta Alle lagula yimaado ku talaxtegid ama ka gaabin.

Ugu horay waxaa uu Diktoor Faysal Maxamed Cali ku bayaamiyey waxa uu yahay Quluwigi  iyo  inta qaybood  ee uu ka kooban yahay iyo sababaha dadka ku keena inay la yimaadaan  talaxtagga  Diinta Alle. Wuxuuna yidhi diktoorku ” ku talaxtaga diintu waa in  la dhaafiyo xadka  loo dhigay Diinta Alle  ama xadka dadka( culimadda) loo dhigay haloola yimaado aaminsanaan ama camal ahaanba  waxaana loo qaybiyaa Ku talaxtaga Diinta Alle mid ictiqaadi ah iyo mid camali ah”.

Sh. Dr Faysal ayaa aad  ugu dheeraday ku talax taga ku tacaluqa  shakhsiyaadka ama hala ammaano ama makaanadooda hoos ha loo dhigee. ugu danbayna wuxuu ku soo gunaanaday talooyin towsiyaad guud ah  oo ku wajahan   ducaada,  dalabatul cilmiga iyo cid kasta oo u ooman inay Diinta Alle kor u qaadaan.

Hoos Ka daawao Muxaadarada Sheekh Feysal Maxamed Cali “Ku talaxategida Diinta (Alquluwu fi diin)

Hoos Ka Dhageyso Muxaadarada Sheekh Dr.Feysal Maxamed Cali “Ku talaxategida Diinta (Alquluwu fi diin)
[audio:http://k002.kiwi6.com/hotlink/ecezx9mtcm/dr_feysal.mp3″] Ama Halkan Mp3

Cabdimaalik Muse coldoon
Burco
Halgan.net