Ciidanka Booliska ee magaalada Nairobi oo nin ku dilay xaafadda Eastleigh

Nairobi:-Ciidanka Booliska ee magaalada Nairobi  ayaa maanta xaafadda Eastleigh ku toogtay nin ay ku sheegeen in uu ka tirsan yahay Ururka Al-Shabaab sida uu qoray Waregeyska The Standard Media oo ka mid ah wargeysyada ugu afka dheer dalka Kenya .

Taliyaha ciidanka Booliska magaalada Nairobi Benson Kibui ayaa sheegay in ninka ay maanta toogteen ciidanka uu maalintii axada ahayd uu Bam Gacmeed ku tuurday dadweyne lugeynada waxaan weerarkaas ku dhaawacmay ilaa  afar qof .

Ciidamada Amaanka ee magaalada Nairobi ayaa sheegay in Bastoolad  laga helay ninka ay ciidanka dileen gurigiisa  oo ku yaal xaafada Section Three.

Taliyaha ciidanka Booliska magaalada  Benson Kibui ayaa ku eedeeyey weerarada ka dhaca magaalada Nairobi ee xarunta dalka Kenya in ay ka danbeeyaan xubno ka tirsan ama taageersan Ururka Al-Shabaab.

Qaraxyada iyo weerarka ka dhaca magaalooyinka Kenya ayaa waxay aad u kordheen ka dib markii ciidanka Kenya ay duulaan ku qabsadeen deegaano ka tirsan gobalada J/hoose iyo Gedo iyaga oo wata magaca AMISOM.

Halkan ka Akhriso Wargeyska  The Standard Media oo qoray in ciidanka Kenya ay dileen nin ka tirsan Al-Shabaab.

C/Casiis Maxamed
Halgan.net