Ciidanka DFS iyo kuwa AMISOM oo howlgalo ka wada degmada Xamar-jajab

Muqdisho:-Ciidamada DFS iyo kuwa AMISOM ayaa saakay howlgallo kawada degmada Xamar-jajab ee gobolka Banaadir waxaana howlgaladaas lagu qabtay dad tiro badan ciidamada ayaa xiray dhamaan wadooyinka soo galaya iyo kuwa ka baxa degmada Xamar-jajab.

Ciidamada DFS iyo kuwa AMISOM ayaa guri guri u baaraya waxayna kala soo baxayaan dhalinyarada degan degmada Xamar-jajab ee gobolka Banaadir iyaga oo aan kala sooceyn dhalinyarada .
Goobjoogayaal ku sugan degmada Xamar-jajab ee gobolka Banaadir ayaa sheegay in ay saaka ay ku waabariisteen ciidamo tiro badan oo ka tirsan DFS iyo kuwa AMISOM oo xiray dhamaan isku socodka gawaarida iyo dadweynaha.

Howlgalada ka socda qaar ka mid ah Degmooyinka gobalka Banaadir ayaa saraakiil ka tirsan ciidanka DFS iyo kuwa AMISOM waxay ku sheegeen inay yihiin kuwo lagu sugayo amaanka magaalada Muqdisho.

Ardayda ,Ganacsatada iyo waayeelka magaalada Muqdisho ayaa ka cabanaya howlgalada ay ciidanka DFS iyo kuwa AMISOM ay ka fuliyaan gudaha magaalada Muqdisho

A/Cawale
Halgan.net