Wafdi Ka Socda Golaha Baarlamaanka DFS oo ka qeyb galay Shirka ACP-EU ee Brussels

Brussels:-Wafdiga ka socda Baarlamaanka Soomaaliya ayaa waxaa hogaaminaya  Gudoomiye ku xigeenka Koobaad ee Baarlamaanka Federaalka Soomaaliya  Mudane Jeeylaani Nuur Iikar waxaana wafdigan ay shirka horgeeynayaan  hormarradii ugu dambeeyey ee uu ku talaabsaday Baarlamaanka  Soomaaliya.

Gudoomiye ku xigeenka Koobaad ee Golaha Baarlamaanka Mudane Jeeylaani  Nuur Iikar ayaa ugu horeyn uga mahad celiyey Dowladda Biljamka iyo madaxda Midowga Yurub sida heerka sare ah ee ay usoo dhaweeyeen  Wafdiga ka socda Baarlamaanka Soomaaliya ee uu hogaaminayo.

Wafdigan uu hogaaminayo Gudoomiye Ku Xigeenka Koobaad ee Golaha  Baarlamaanka Mudane Jeeylaani Nuur Iikar ayaa waxaa ka mid ah  Gudoomiyaha gudiga arimaha dibada iyo iskaashiga caalamiga ah Mudane  Xildhibaan C/qaadir Cosoble Cali,Mudane Xildhibaan Maxamuud Cabdi  Xasan , iyo Mudane Maxamed Xasan Cawaale oo ah la taliyaha gudoomiyaha  Baarlamaanka Soomaaliya waxaana xubnahan maanta ay si rasmi ah u  fadhiisteen kuraastii Soomaaliya oo mudo sanado ah banaaneed.

Talaabadan ay wafdigan ka socda Baarlamaanka Soomaaliya uga  qeybgalayaan shirkan ka furmay xarunta Midowga Yurub ee Brussels ayaa ka qeyb ka ah hormarrada sii kordhaya ee uu Baarlamaanka Soomaaliya ku  talaabsanayo marka loo eego dhanka xiriirka iyo wadashaqeynta Baarlamaannada Caalamka.

—-DHAMAAD—-
Xafiiska Warfaafinta Gudoonka Baarlamaanka Soomaaliya