Ciidanka Amaanka ee magaalada Gaalkacyo oo Toogtay Nin Watay Waxyaabaha Qarxa

Gaalkacyo:-Ciidamada Amaanka ee magaalada Gaalkacyo ayaa maanta markii ugu horeysay toogasho ku dilay  Nin ku hubaysnaa Bistoolad iyo ugu yaraan 3Bambaanooyinka gacanta laga tuuro ah ninka ayaa ka soo baxayey  xerada Barakacayaasha ee Halabookhad oo ku taala Duleedka magaalada Gaalkacyo.

Saraakiisha ciidanka Booliska ee magaalada Gaalkacyo ayaa xaqiijiyey in uu dhaawac soo gaaray mid ka mid ah askarta Booliska ka dib markii uu xabad ku riday ninkii watay walxaha qarxa  waxay sidoo kale sheegeen in ay qabteen laba qof oo kale oo laga shakisan yahay.

Taliyaha Ciidanka booliska Gobalka Mudug G/sare Cabdirashid cadceed geele ( Dhey lo-aad) Ayaa saxaafada u sheegay  in ninka laga shakiyay uu watay boorso ay ku jireen 3 bunbo oo ah nooca 36da iyo baskoolad nooca ay soomalidu u taqaan dhaba nacasta waxaana uu sheegay G/sare Cabdirashid cadceed geele  in la toogtay ninka markuu diiday in uu istaago.

Isbitaalka magaalada Gaalkacyo ayaa la geeyey meyda ninka ay toogteen ciidamada amaanka ee magaalada Gaalkacyo waxaana soo buuxiyey Istibaalka dadweyne raba in ay ogaadaan cida uu yahay ninka la toogtay .

M_M Deeq
Halgan.net