Dab khasaare badan geystay oo caawa ka kacay Suuqa magaalada Boosaaso.

Boosaaso:-Wararka caawa naga soo gaaraya magaalada Boosaaso ee xarunta gobalka bari ayaa sheegaya in caawa dab xooggan uu ka kacay qaybo badan oo ka mid ah suuqa weyn ee magaalada Boosaaso dabka ayaa waxaa loo maleynayaa in uu sababay qaraxyo xoogan oo ka dhashay fuustooyin shidaal oo ku keydsanaa qeybo ka mid suuqa Boosaaso.

Dabka ayaa waxaa uu ku fiday oo uu gaaray qeybaha suuqa weyn gaar ahaan qaybta iibka Maacuunka, qaybta bagaashka, qaybta raashinka,qaybta dharka iyo kabaha,qaybta qudaarta. Ciidamada dab demiska iyo dadweyne aad u tira badan ayaa la tacaalaya sidii ay u damin lahaayeen dabka waloow aan ilaa haatan lagu guuleysan dabka ayaa waxaa saro u sii qaaday fuustooyin ay ku jireen shidaal kuwaas oo khasaaro badan geystay.

Ciidanka amaanka ee magaalada Boosaaso ayaa ku sugan suuqa waxayan rasaas ku kala ceyriyeen dad doonaya in ay daawadaan iyo raba in ay dhacaan hantida suuqa taal.

M_M Deeq
Halgan.net