Dowllada dalka Jabuuti oo ciidamo u soo diraysa Soomaaliya

Jabuuti:-Ciidamo ka socda dalka Jabuuti ayaa la filayaa in ay maalmaha soo socda ay ku soo biiraan ciidanka AMISOM ee ku sugan caasimada dalka Soomaaliya ee Muqdisho, masuuliyiin ka tirsan dowllada Jabuuti ayaa in mudo ah waxaa ay ku celcelinayeen in ciidamo ka socda dalkooda ay ku soo biiri doonaa ciidanka AMISOM ee ku sugan Muqdisho.

Madaxweynaha dalka Jabuuti  Ismaaciil Cumar Geele ayaa waxaa uu saaka la hadalay ciidamo tababar uga socda dalka Jabuuti kuwaas oo loo diyaariyey in ay ku soo biiraan ciidanka AMISOM , Ciidamadaan ayaa waxaa  ay mudo bilooyin ah waxaa ay ku qaadanayeen tababar xerda Cali Coono ee ku taal duleedka caasimada dalka Jabuuti.

Madaxweynaha Jabuuti Ismail Cumar Geelle ayaa ku waaniyey ciidamada  in arinka loo egmada ay ka soo baxaan isagoo dhinac kale ka codsaday bulshada Soomaaliyeed in walaalahood ay u soo dhaweeyaan si wanaagsan ,ciidanka dalka Jabuuti ay u soo dirayso dalka Soomaaliya gaar ahaan caasimada dalka Soomaaliya ee magaalada Muqdisho ayaa waxaa lagu qiyaasay ilaa  900 boqol oo Askari, Madaxweynaha dalka Jabuuti Ismail Cumar Geelle  ayaa ka codsaday sidoo kale  ciidanka Jabuuti in ay nabadgelyo iyo amaan ku soo celiyaan caasimada dalka Soomaaliya.

Ciidanka dalka Jabuuti ayaan ilaa hadda la qiyaasi karin qaabka ay u soo dhaweyn doonaa dadka shacabka ah balse waxaa xaqiiqo ah in madaxda ururka Al-shabaab ay dowllada jabuuti uga digeen in ciidamo ay u soo diraan Soomaaliya iyagoo ku goodiyey in ay ula dagaalami doonaa sida ay ula dagaalamayaam ciidanka AMISOM iyo kuwa DFKM.

A/cawaale
Halgan.net