Madaxwaynaha dowllada Puntland C/raxmaan Maxamed Faroole oo ka hadlay dabkii xalay ka kacay Suuqa Boosaaso

Sabti, Saturday, December 03, 2011 Madaxwaynaha dowladda Puntland Dr. C/raxman Maxamed Maxamud Faroole ayaa waxaa uu ka hadley dab xalay ka kacay suuqa weyn ee Boosaaso, dabkaas oo khasaar lixaad leh u geystay  hantidii taalay Suuqa weyn ee magaalada Boosaaso, madaxweynaha dowlladda Puntlland oo saxaafada saaka kula hadlay magaalada Garoowe ayaa xusay in hanti fara badan ay wax ku gaareen dabkii xalay balse dowlladiisu ay gudi baaritaan ay u xilsaartay si ay u soo ogaadaan wax sababay in suuqa uu dab intaas le,eg ka kaco.

Madaxweynaha dowladda Puntlland Dr.C/raxmaan Faroole ayaa sheegay in 1 qof uu ku dhintay halka 2 kalena ay ku dhaawacmeen isagoo alle uga baryey in uu u naxariisto ,madaxweynaha ayaa baaq u jeediyey bulshada reer Puntlland isagoo ugu baaqay in ay gacan qabtaan cidii hantidoodu ku waxyeelowday dabkii xalay ka kacay Suuqa magaalada Boosaaso.

Ugu danbayntii ayaa Madaxweynaha dowladda Puntlland Dr.C/raxmaan Maxamed Maxamuud Faroole ayaa  waxaa uu baaq iyo codsi u jeediyey beesha caalamka isagoo ka codsaday in ay gurmada deg deg ah ay la soo gaaraan iyo wax u qabad ganacsatada hantidoodu ku waayey dabkii xalay ka kacay Suuqa weyn ee magaalada Boosaaso.

M_M_Deeq
Boosaaso

.