Raisulwasaaraha DFKM C/wali Maxamed Gaas oo ku sugan Degmada Carmo.

Carmo:-Wafdi uu hogaaminayo Raisulwasaaraha DFKM C/wali  Gaas iyo madaxweynaha Puntland ayaa goordhow soo gaaray Degmada Carmo ee gobolka Bari iyaga oo ka soo ambabaxay magaalada Qardho ee xarunta gobalka Karkaar waxaana ku soo dhaweeyey Degmada Carmo saraakiil iyo waxgarad ka soo jeeda Degmada Carmo.

Wasiirka Aminiga Puntland Khaliif Ciise Mudan oo la hadlay saxaafada ayaa sheegay in Wafdiga madaxweynahaPuntland  iyo Raiisul wasaaraha DFKM Pro Gaaas ay kormeer ku sameyn doonaan xarunta  akadeemiyada Carmo halkaas oo ay ku sugan yihiin ciidamo Boolis ah oo uu u socdo tababar.

Raisulwaaaraha DFKM  C/wali Maxamed Gaas iyo madaxweynaha C/raxmaan Maxamed Faroole ayaa u sii gudbi doona magaalada Ganacsiga Puntland ee Boosaaso waxaana laga dareemayaa magaalada Boosaaso diyaargarow xooggan waxaana aad loo adkeeyey amaanka magaalada Boosaaso iyo dhamaan wadooyinka soo gala ama ka baxa.

Ciidamada amniga ee Puntland ayaa taagan meel walba magaalada Boosaaso iyaga oo sugaya amaanka wafdiga Raisulwasaaraha DFKM C/wali Maxamed Gaas .Ilaa haatan lama shaaci sababta uu raisulwasaare Gaas u tagyo magaalada Boosaaso.

M_M Deeq
Halgan.net