Abu Muscab: “Waan Sii kordhin Doonaa Qaraxyada ka dhaca Muqdisho

Muqdisho:-Afhayeenka hawlgalada ee Al shabaab Sheekh C/casiis Abuu Muscab ayaa sheegay in ay kordhin doonaan weerarada iyo qaraxyada ay la eegtaan ciidamada DFKM iyo kuwa AMISOM kuwaas oo ka dhaca magaalada Muqdisho .

Sheekh C/casiis Abuu Muscab ayaa Sidoo kale sheegay in ay magaalada Muqdisho ka fulin doonaan dilal qorsheysan oo ku wajahan madaxda iyo saraakiisha ciidanka AMISOM iyo kuwa DFKM .

Sheekh C/casiis Abuu Muscab ayaa ugu baaqay in shacabka magaalada Muqdisho ay ka fogaadaan xarumaha DFKM iyo kuwa AMISOM si aysan dhib u gaarin waxaana uu cadeeyey in Ururka Al-Shabaab ay aqbali doonin sii joogitaanka ciidamada AMISOM iyo wax ka duwan Shareecada Islaamka.

Qaraxyadii ugu danbeeyey ee ka dhacay magaalada Muqdisho ayaa waxaa uu khasaaro u geystay dadka rayidka ah, waxaana ugu dambeeyey qaraxii shalay ka dhacay xaafadda Suuq Liif ee degmada Dharkeynlay kaas oo ay ku dhinteen  7-qof oo rayid ah.

A/Cawale
Halgan.net