.gif)
3 qof oo u shaqaynayey hay’adda WFP oo lagu dilay degmada Matabaan
December 23, 2011 - Written byMatabaan:-Waxa maanta lagu dilay ilaa 3 qof oo shaqaalo ah oo u shaqaynayey hay.adda gar gaar ka ah ee WFP ee degmada Matabaan ee Gobolka Hiiraan , nin hubeysan ayaa si bareer ah u dilay 3 qof oo shaqaalaha ah oo iyagu ahaa shaqaalo ka tirsanaa hay.adda WFP ee magaalada Gaal kacyo.
Dilka ayaa ninkaan hubaysan waxaa uu ka dhexgeystay xero ay ku noolaayeen dad barakacayaal ah isagoo laftigiisu uu ka mid ahaa dadka barakacayaasha ah ee ku noolaa xerada , Ninkaan ayaa tacshiirada huweyey 3-da shaqaalaha ee hay.adda WFP deg mada Matabaan xili ay guteen shaqadooda ayna ku sii jeedeen guryahooda.
Ciidanka Ahlusnaha oo iyagu ka arrimiyey degmada Matabaan ee gobolka Hiiraan ayaa sheegay in ay ku guulaysteen in ay soo qabtaan ninkii falka dilka ah geystay iyagoo sheegay in ay u dhaadhiciyeen Xabsi ku yaal degmada Guriceel , dilka dadka u shaqeeyey Hay.addaha samafalka ah ayaa ah wax sii kordhayey ilaa intii ay burburtay dowlladii dalka Soomaaliya.
A/cawaale
Halgan.net
