Al-shabaab oo xalay weerar culus ku qaaday ciidanka AMISOM

Muqdisho:-Ciidamada Al-Shabaab ayaa xalay dagaal culus oo qorsheysan ku qaaday ciidamada AMISOM iyo kuwa DFKM oo ku sugnaa degmada Dharkeenleey ee gobolka Banaadir,dagaalka ayaa ahaa mid culus oo socday in mudo ah. Guddoomiyaha Degmada Dharkeenleey ee gobolka Banaadir Macalin Cabdulle ayaa xaqiijiyey in Al-Shabaab ay xalay mireen ciidamada AMISOM iyo kuwa DFKM wuxuuna inkiraad ku jiiday in ay soo gaareen wax khasaaro ah.

Guddoomiyaha Degmada Dharkeenleey ee gobolka Banaadir Macalin Cabdulle ayaa sheegay in ay iska caabiyeen ciidamada Al-Shabaab ee weeararka ku qaaday xalay ciidamada DFKM iyo kuwa AMISOM. Afhayeenka ciidanka howlgalada ee Al-Shabaab Sh.Cabdul Casiis (Abuu Muscab )ayaa isagana saaka ku qabtay  shir jaraa’id magaalada Muqdisho waxaana uu sheegay in weerarkii xalay ay qaadeen Al-shabaab ay khasaaro u geysteen ciidanka AMISOM iyo kuwa DFKM.

Sheikh Cabdul Casiis (Abuu Muscab )ayaa ugu baaqay dadweynaha magaalada Muqdisho in ay ka fogaadaan xarumaha ciidamada AMISOM iyo kuwa DFKM si aysan khasaaro u soo gaarin. Ilaa haatan si rasmi ah looma khaasaraha soo gaaray labada dhinac balse waxaa la xaqiijiyey in ilaa 3 qof oo rayid ah saaka la geeyey isbitaalada magaalada Muqdisho.

A/Cawale
Halgan.net