Ciidamada Kenya oo Qarax lagula beegsaday agagaarka Xerada Qoxootiga Xagar-dheer

Kenya:-Wararka naga soo gaaraya xerada qoxootiga Xagar-dheer ee deegaanka Dhadhaab ee dalka Kenya ayaa sheegaya in Qarax geystay dhimashada 2 ka mid ah  askarta Kenya uu ka dhacay barqadii maanta  agagaarka xerada qoxootiga Xagar-dheer .

Qarax lala eegtay ciidamada Kenya ayaa ahaa nooca dhulka lagu aaso waxaana uu burburiyey gaari Toyoto ah oo ay la socdeen qaar ka mid ah askarta Kenya  sida ay sheegayaan dad joobjoog ah .Askarta Kenya ayaa intaas ka dib waxay howgalo ka sameeyeen agagaarka xerada waxay qabteen dhowr qof oo qoxooti ah.

Ma ahan markii ugu horreysay oo ciidamada Kenya qaraxyo lagula beegsado meel ku dhow xeryaha qoxootiga ee xagar dheer iyo Dhadhaab ilaa iyo intii ay ciidamada Kenya duulaanka ku qaadeen gobalka J/Hoose ee Soomaaliya.