Dab Xooggan oo ka kacay kaalin shidaal oo ku dhow xarunta shirkadda isgaarsiinta Golis

Gaalkacyo:-Dab xooggan ayaa goordhaweyd  ka kacay kaalin shidaal oo ku dhow xarunta shirkadda isgaarsiinta Golis ee waqooyiga magaalada Gaalkacyo ee xarunta gobolka Mudug.Dabka ayaa bilaawday galinkii danbe ee maanta waxaana uu dabka ku soo fiday qeybo ka mid ah  xarunta shirkadda Golis.

Warar hordhac ah oo uu na soo gaarsiiyey wariyaha Halgan.net ee magaalada Gaalkacyo ayaa sheegaya in shirkada  isgaarsiinta ee  Golis ay hawada ka saareen Adeeggii isgaarsiinta si uusan dabka u soo gaarin.

Ciidamada amaanka ee magaalada Gaalkacyo ayaa goobta soo gaaray waxaana ay la tacaalayaan sidii ay u damin lahaayeen dabka ka kacay Gaalkacyo walow aysan wili ku guuleysan.

M_M Deeq
Halgan.net