Sh.Cabdulqaadir Nuur Faarax oo sheegay in dilka Dr.Axmed Xaaji lagu go,aamiyey shir ka dhacay Baydhabo.(Dhagayso)

Boosaaso:-Sheekh Cabdulqaadir Nuur Faarax oo ka mid ah culimada waaweyn ee dalka Soomaaliya hadalna ka jeediyey aaskii marxuun Sheekh Axmed Xaaji Cabdiraxmaan oo maanta lagu aasay qabuuro ku yaal boosao ayaa  alle uga baryey Sheekh Dr. Axmed Xaaji oo ay koox dhagarqabayaal ah dileen in uu Alle u naxariisto janadiisana ka waraabiyo kuwa dilka u geystana uu calaamo deg deg ah ka soo muujiyo.

Sh.Cabdulqaadir Nuur Faarax ayaa xusay in marka Sheekh.Dr Axmed Xaaji la dilay uu soomanaa soona tukaday salaadii subax isagoo ku jiray maganta alle  Sheekh Cabdulqaadir Nuur Faarax ayaa si cad u sheegay in dilka Dr. Axmed Xaaji Cabdiraxmaan lagu go,aamiyey shir ay ururka Al-shabaab ku yeesheen magaalada Baydhabo.

Sheekh C/qaadir Nuur Faarax waxa uu hadalkiisa ku cadeeyay in dilka Sheekh Dr.Axmed Xaaji Cabdiraxmaan uu ku yimid sida laga war qabo go’aamadii ka soo baxay shirkii ay Al shabaab ku yeesheen Magaalada Baydhabo kuwaa oo qodobadii laga soo saaray ay ka mid ahayd in la laayo Culimada aan la fikirka ahayn Al shabab, waxa uu Sheekh C/qaadir ku baaqay in ay lagama maarmaan tahay in la iska qabto dadka falalka cayn kaas ah geysanaya ee sheeganaya in ay Muslim yihiin haddana.

Hoos ka Dhagayson hadalkii Sheekh Cabdulqaadir Nuur Faarax Allaha dhowree.

Sheekh Cabdulqaadir Nuur Faarax aya ku tilmaamay ben abuur iyo wax aan jir in dilka Shiikh Dr Axmed loo tiiriyo PIS Sheekh ayaa si caro leh u yiri xogta waa haynaa wax na nagama qarsoona , Sheekh Cabdulqaadir ay ku baaqay in loo diyar garoobe kuwa dad ka Muslinka dilka ku dhameeyey haddana maraya in culimadii ay dilaan.

Waxaa kale oo goobta isna si kulul uga hadlay Sheekh Daahir Aw Cabdi oo isna si la mid ah Sheekh C/qaadir uga hadlay

M_M_Deeq
Halgan.net