Dagaal galabta ka dhacay degmada Heliwaa ee magaalada Muqdisho

Muqdisho:-Ciidamada kooxda Al Shabaab ayaa galabta weerar ku qaaday xarumaha ciidamada AMISOM iyo  kuwa DFS ay  ku leeyihiin degmada Heliwaa ee magaalada Muqdisho.waxaana uuna dagaalku bilaawday Hoobiyaal Al-Shabaab ku duqeeyeen fariisimaha ciidamada AMISOM.

Dagaalka ayaa waxaa si weyn looga dareemay Degmada Heliwaa ee magaalada Muqdisho waxaana dagaalka uu markii danbe isku rogay mid fool ka fool ah waxaana uu dagaalka xoogiisa uu ka dhacay  isgoyska SOS ilaa shineemo Cabdi Waayeel.

labada dhinac ee dagaalka  ku dhexmaray Degmada Heliwaa ee magaalada Muqdisho ayaa waxaa soo gaaray khasaaro kala duwan sida ay dad goobjoogayaal warbaahinta u sheegeen .

Ilaa haatan ma jiraan saraakiil ka tirsan DFS oo ka hadlay dagaalka ka dhacay galabta .Ciidamada AMISOM iyo kuwa DFS ayaa caawa howlgalo ka wada Degmada Heliwaa ee magaalada Muqdisho.

A/Cawale
Halgan.net