Guddiga gurmad culimada Puntland oo soo bandhigay dhaqaalaha soo gaaray iyo Xisaab xir.[Masawiro]

Garoowe:-Guddiga gurmadka culimadda Puntland ee loo xilsaaray wax u qabadka qoysaskii ku cayroobay roobab kii duufaantii watay ee Puntland ka dhacday ayaa maanta waxaa ay soo bandhigeen Xisaab xir ku saabsan qarashaadka lacageed ee ay qabteen iyo qaabka ay u qaybiyeen Dhaqaalihii soo gaaray.

Xafladaan ayaa waxaa lagu qabtay xarunta PDRC ee magaalada Garowe waxana ka soo qayb galay madaxwayne ku xigeenka Puntland,wasiiro,culimo Issimo iyo qaybaha kale duwan ee bulshada Gudoomiyaha guddiga culimadii gurmadka culimada Sh.Maxamuud Xaaji Yuusuf oo la hadlay saxaafadda ayaa waxaa uu mahadbalaaran u soo jeediyey dhamaad gudiyadi kale duwanaa ee ka qayb qaatay gurmadkii socday mudo 3 bilaad ee loo fidiyey dadkii cayrtobay.Halkaan ka eeg Foomka Jihooyinka kala duwan ee Xoolaha keenay

Gudiga gurmadka culimada Puntland ayaa soo bandhigay Muuqaal qaabkii loo maareeyey gurmadka iyo marxaladii kale duwanaa ee xoolaha lagu qaybiyey iyagoo sheegay in ay lacagta deeq ahaan u soo gaartay ay gaarayso $1,741,750. Halkaan ka eeg Xisaab xirka ay soo bandhigeen gudiga gurmadka culimada ee Puntland

Wasiirkii hore ee arrimaha gudaha Puntland Gen.Cabdilaahi Axmed Jaamac (Ilkajiir) oo ka hadlay munaasabada ayaa sheegay in howsha gurmadka ay si wanagsan u dhacday dadkii cayroobayna si wanaagsan loogu fidiyey gargaar isagoo mahad u soo jeediyey dowladdii uu ka mid ka ahaa oo howl wanaagsan qabatay.

Dhinac kale Issimada ayaa waxaa munaasabadda ka hadlay Suldaan Siciid Maxmed Garaase oo ka mid ahaa Issimadii gacanta weyn ka geystay in howsha gurmadku si wanaagsan u qabsoonto isagoo Suldaan Garaase uu si wanaagsan ula shaqeeyey Gudiga gurmadka culimada Puntland.

Gabagabadii Munaasabada ayaa waxaa hadal kooban ka jeediyey Madaxweyne ku xigeenka dowladda Puntland Eng.Cabdixakiin Cabdilaahi Camey isagoo cadeeyey in ay raali ka yihiin qaabka wanaagsan ee ay Gudiga gurmadka culimada Puntland ay howshii loo igmaday ay uga soo baxeen.

no images were found

Madaxweyne ku xigeenka dowladda Puntland Eng.Cabdixakiin Cabdilaahi Camey ayaa cadeeyey in dowladdiisu ay diyaar u tahay in ay caawiyaan dadka shacabka ah ee ku nool Puntand waxaan uu amaan iyo mahad ballaaran u soo jeediyey Madaxweynihii hore ee Puntland iyo Golahiisii wasiiradda oo qayb weyn ka qaatay barmaamijkii gurmadka.
Halkaan ka akhriso warbixinta Guddiga gurmad culimada Puntland oo dhamaystiran

M_M_Deeq
Halgan.net