Hoobiyaal caawa loo qeybiyey xaafadaha magaalada Muqdisho

Muqdisho:-Wararka caawa naga soo gaaraya magaalada Muqdisho ayaa sheegaya in hoobiyaal lagu tuuray xaafado ka mid ah Degmooyinka magaalada Muqdisho waxaana ka mid ah xaafadaha ay hoobiyaasha ku dhaceen Wardhiigley, Boondheere, Xamar-jajab,Xamar-weyn, iyo Wadajir.Hoobiyaasha caawa lagu tuuray xaafado ka mid ah Muqdisho ayaa waxaa kale oo ay ku dhaceen xarunta Bisha Cas ee magaalada Muqdisho ,Ceel-gaabta , agagaarka Tiyaatarka, Agagaarka Zoope,Agagaarka Xarunta Gobolka Banaadir iyo Bankiga dhexe ee Soomaaliya

Ciidamada DFS iyo kuwa AMISOM ayaa caawa howlgalo ka wada magaalada Muqdisho  ilaa haatana lama yaqaan khaasaraha ay geysteen hoobiyaasha ay Al-Shabaab caawa u qeybiyeen xaafadaha magaalada Muqdisho. Warar ka imaanaya magaalada Muqdisho ayaa sidoo kale sheegaya in hoobiye ku soo dhacay agagaarka xarunta Madaxtooyada ee Villa Soomaaliya.

Saraakiisha ciidanka DFS ayaan ilaa haatan wax war ah ka bixin hoobiyaasha lagu garaacay magaalada Muqdisho

A/Cawale
Halgan.net