Madaxwaynaha Puntland Cabdi Weli Gaas oo ka hadlay socdaalka uu ku tagay Muqdisho(Dhageyso)

Muqdisho:-Madaxweynaha Puntland Dr.Cabdi Weli Maxamed Cali Gaas ayaa markii ugu horeysay ka hadlay socdaalka uu ku tagay magaalada Muqdisho waxaana socdaalkiisa ku weheliyey  Isimo, xildhibaano, iyo madaxweynihii hore ee Puntland Jen Cadde Muuse Xirsi.

Madaxweynaha Puntland Dr.Cabdi Weli Maxamed Cali Gaas ayaa sheegay in socdaalkiisa uu salka ku hayo aaska maalinta barito ah loo samaynayo Raisulwasaarihii hore  Cabdirisaaq Xaaji Xuseen oo ku dhintay dalka Mareykanka.

Madaxweynaha Puntland Dr.Cabdi Weli Maxamed Cali Gaas  iyo wafdigiisa ayaa waxaa si diiran ugu soo dhaweeyey Raisulwasaaraha DFS Cabdi Weli Sheekh waxaana kulan casho sharaf ah caawa ay madaxada DFS u sameeyeen wafdiga uu hogaaminayey Madaxweynaha Puntland Dr.Cabdi Weli Maxamed Cali Gaas .

DFS iyo Puntland ayaa waxaa xumaa xiriirka ka dhaxeeya labada masuul waxaana xiriirka labada Maamul uu joogsaday xiligii uu Madaxweynaha Puntland uu ahaa Dr.C/raxmaan Sheekh Maxamed Faroole.

Hoos Ka Dhageyso Madaxwaynaha Puntland Cabdi Weli Gaas oo ka hadlay socdaalka uu ku tagay Muqdisho.

M_M Deeq
Halgan.net