.gif)
Madaxweynaha DFS oo wareegto ku magacaabay Gudoomiyaha Gobolka Banaadir
February 27, 2014 - Written by Editor
Muqdisho:-Wareegto ka soo baxaday Xafiiska Madaxweynaha DFS Xassan Sheekh Maxamuud ayaa maanta waxaa uu si rasmi ah xil ka qaadis ugu sameeyay Gudoomiyaha Gobolka Banaadir ahna Duqa Magaalada Muqdisho Maxamuud Axmed Nuur “Tarsan”. waxaana xilka loo magacaabay Gudoomiyihii hore ee Maxkamada Sare ee Ciidanka Qalabka sida Jen.Xassan Maxamed Xuseen (Muungaab).
Digreetada maanta sida rasmiga ah loo shaaciyey ayaa soo baxaday xili warbaahinta magaalada Muqdisho ay shalay shaaciyeen in xilka laga qaaday Maxamuud Axmed Nuur “Tarsan”Gudoomiyaha Gobolka Banaadir ahna Duqa Magaalada Muqdisho.
Maxamuud Axmed Nuur “Tarsan ayaa dhowr mar eedeymo kala duwan u soo jeediyey madaxda DFS gaar ahaan laamaha amaanka waxaana uu horey u diiday xil wasiir oo uu horey ugu magacaabay Raisulwasaaaraha DFS Cabdi weli Sheekh Axmed.
Xilka ka qaadista Gudoomiyaha Gobolka Banaadir Maxamuud Axmed Nuur “Tarsan”. ayaa ku aaday xili amaanka magaalada Muqdisho uu faraha ka sii baxayo .
A/Cawale
Halgan.net
