Madaxweynaha Dowladda Puntland oo safar ku tegi doona Muqdisho

Garoowe:-Madaxweynaha Dowladda Puntland Dr. Cabdiweli Maxamed Cali Gaas iyo wafdi uu hogaamninayo oo iskugu jira Issimo,xubno ka kooban labada gole ee dowladda Puntland , Saraakiil ciidan ayaa saaka la filayaa in ay safar ku gaaraan magaalada Muqdisho si ay uga qayb galaan Aaska Ra’iisul wasaarihii hore ee Soomaaliya Cabdirisaaq Xaaji Xuseen oo meydkiisa lagu aasi doono magaalada Muqdisho.

Meydka Ra’iisul wasaarihii hore ee Soomaaliya Cabdirisaaq Xaaji Xuseen ayaa laga soo duuliyey dalka Maraykanka , waxaan Aaska marxuun Cabdirisaaq Xaaji Xuseen la filayaa in ay ka qayb galaan Madax aad u fara badan oo Soomaali ah.

Allaha u naraxiistee Ra’iisul wasaarihii hore ee Soomaaliya Cabdirisaaq Xaaji Xuseen ayaa ahaa shaqsi aad ugu weyn bulshada Soomaaliyeed waxaan uu ahaa nin lagu yaqaan in uu yahay nin aad uga soo horjeeda Gobolaysiga iyo in ciidamo shisheeyey dalka Soomaaliya ay yimaadaan.

M_M_Deeq
Halgan.net