Madaxweynaha Puntland Dr.C/wali Maxamed Cali (Gaas) buunadada Suna-jii.[Dhagayso]

Garoowe:- Madaxwaynaha dowladda Puntland Dr.Cabdiwali Maxamed Cali (Gaas) qaar ka mid ah Golahiisa wasiirada iyo Saraakiil ka tirsan madaxtooyadda ayaa saaka socdaal ku tegay degmada Dangorayo oo ka tirsan Gobalka Nugaal iyagoo u jeedka socdaal kooda uu ahaa in ay  dhagax dhigaan Buundadii dhowaan ku burburay roobabkii watay dabaylaha iyo duufaanta ee ku dhuftay degaan ka tirsan Puntland.

Madaxweynaha dowladda Puntland Dr. Cabdiweli Maxamed Cali Gaas ayaa dhagax dhigay buunadada Midi-gara ee ku taal tuulada Suna-jiif ee gobolka Nugaal , Madaxweyne Gaas ayaa waxaa kale oo ka qayb galay muwaacino ka timi dowladda Turkiga oo lasoo gaarsiiyay qoysaskii ku cayroobay roobabkii iyo dabaylihii ka dhacay degaano ka tirsan Gobolka Nugaal.

Madaxweynaha dowladda Puntland Dr. Cabdiweli Maxamed Cali Gaas oo la hadlay saxaafadda ayaa sheegay in ay muhiim tahay bulshadu iyo dowladda oo wada jira  ah ay iskugu tashtaan oo aysan wax ka sugin umado kale.

Madaxwaynaha dowladda Puntland Dr.Cabdiwali Maxamed Cali (Gaas) ayaa ugu baaqay shacabka reer Puntland
in ay ka shaqeeyaan nabadgelayada  si wada jir ahna looga hortago kooxaha doonaya in ay khalkhalka geliyaan degaanada Puntland isagoo si gaar ah ugu baaqay ciidanka Puntland in howsha loo igmada ay ka soo baxaan

Hoos ka Dhagayso hadalka Madaxweynaha dowladda Puntland Dr. Cabdiweli Maxamed Cali Gaas

M_M_Deeq
Halgan.net