Madaxweynaha Puntland oo ciidamo Ilaalo ah la tegay Muqdisho.[Masawiro]

Muqdisho:-Madaxweynaha dowladda Puntland Dr.C/wali Maxamed Cali Gaas iyo wafdi uu hogaaminayay ayaa saaka markii uu ka soo degay garoonka diyaaradaha ee Aadan Cadde si uu uga qayb galo Aaska Allaha u naxariistee Ra’iisul Wasaarihii hore ee Soomaaliya C/risaaq Xaaji Xuseen waxaa la socday ciidamo gaar ah oo ka soo raacay magaalada Garoowe.

Wafdiga Madaxweynaha Puntland Dr.C/wali Maxamed Cali Gaas ayaa waxaa amaankiisa si gaar ah u ilaalinayey ciidamo ka tirsan PIA iyo kuwa gaarka ah Madaxtooyada ee Garoowe kuwaas oo la arkayey markii uu ka soo degay diyaaradii siday markii ay soo caga dhigatay garoonka Aadan cadde ee magaalada Muqdisho.

Madaxweynaha Puntland Dr.C/wali Maxamed Cali Gaas iyo wafdigiisa ayaa waxaa garoonka Aadab Cadde ku soo dhaweeyey Ra’iisul wasaaraha dowladda Federaalka ee Soomaaliya C/wali Sheekh Axmed, Xildhibaano iyo xubno ka tirsan golaha xukuumada ee Federaalka Soomaaliya.

Ciidanka gaarka ah ee la socday Madaxweynaha dowladda Puntland Dr.C/wali Maxamed Cali Gaas ayaa waxaa ay ku hubaysnaayeen qoryahah fudud iyo boobayaasha, iyagoo intuu uusan madaxweynaha Puntland uusan ka soo degin diyaarada ay iyagu ka soo hormareen arrinkaas oo ah

no images were found

Dhinaca kale Madaxweynaha dowladda Federaalka Soomaaliya Xassan Sheekh Maxamuud iyo Ra’iisul wasaaraha Dowladda Federaalka Soomaaliya C/wali Sheekh Axmed, gudoomiyaha baarlamaanka Prof Jawaari ayaa kulamo la qaatay Madaxweynaha Puntland C/wali Gaas iyagoo kulankooda aan weli wax war ah ka soo bixin.

M_M_Deeq
Halgan.net