Meydka C/risaaq Xaaji Xuseen oo la keenay Muqdisho

Muqdisho:-Waxaa saaka  8:50 daqiiqo laga soo dejiyey garoonka Aadan cadde ee magaalada Muqdisho meydka Ra’iisul wasaarihii hore ee Soomaaliya C/risaaq Xaaji Xuseen oo  ku geeriyooday dalka Mareykanka.

Meydka Ra’iisul wasaarihii hore ee dalka Soomaaliya C/risaaq Xaaji Xuseen ayaa waxaa siday diyaarada  Turkish Airlines iyadoo garoonka diyaaradaha ee Aadan Cadde ee magaalada Muqdisho ay ku sugnaayeen dad aad u fara badan oo  iskugu jira masuuliyiintaa dowladda federaalka Soomaaliya iyo madaxda ugu saraysa ee maamulka Puntland iyo Jubba.

Meydka Ra’iisul wasaarihii hore ee Soomaaliya C/risaaq Xaaji Xuseen ayaa waxaa la filayaa in loo qaado Masjidka Isbahaysiga Islaamka si loogu tukado  Salaad Janaasadda.  Meydka alla ha u naxariistee Ra’iisal wasaarihii hore ee Soomaaliya Cabdirsaaq Xaaji Xuseen ayaa marka lagu tukado Salaada Janaasadda ka dib waxaa la geyn doonaa  Qabriga ku yaal Xariiryaale oo Balcad iyo Xamar u dhexeeya.

Dad fara badan oo ay ku jiraan Masuuliyiinta dowladda federaalka Soomaaliya,Puntland , Maamulka KMG ee Jubba ,Issimo ayaa ka qayb qaadanaya Aaska , amaanka goobta ay ka dhacayso aaska  ayaa la adkeeyey.

Warka oo faahfaahsan dib ayaan idinkaga soo gudbin doonaa haddii Alle idmo

A/cawaale
Halgan.net