Ogeysiis Muhim ah oo Ku socda Soomaalida Deggan Seattle (Dhageyso)

Waxaa Dhammaan la Ogeysiinayaa Dadka Somaliyeed ee Ku Dhaqan Guud ahaan Gobalka Washington ee Wadanka Mareykanka gaar ahaan Seattle – tacoma  Agagaarkeeda in Barri oo ah Isniin (02/03/2014) Saacaddu marka ay tahay 11:00 Subaxnimo in la isugu yimaaddo Masjidka Weyn ee Abubakr Islamic Center ee Ku yaalla xaafadda Tukwila.

Walaalayaal Sababta Ogeysiiskan waxaa weeye in Arimihii Maalmahan aan u doodeynay ee ahayd In Muslimiinta Gobalka La siiyo fasax maalmaha Ciidda oo qofka shaqadiisa uu fasax ka qaadan karo ayadoo waliba uu qaadanayo lacagtii uu qaadan jiray marka uu shaqeynayo.

Wadanka mareykanka waxaa ka jira in la fasaxo dadka maalmaha Gaalada ay dabaal dagaan sida sanadka cusub iyo Waqtiga ay ku magacaabaan dhalashadii Nabieenna Ciise (C.S)

Walaalayaal arinkaan waa Muhim Maalinkaasina waa maalinka la aadi Doonna Caaismadda gobalkaasi oo la doonayo in dad badan ay soo baxaan si loo tuso in dadka muslimiinta ahi ay danaynayaan arinkaan muhiimna ay ka tahay agtooda in ay helaan fasax maalmaha Ciidaha.

Waxaa kale oo Maalinkaas madaxda Gobalka ay dhagysan doonnaan sababta iyo muhiimadda ay leedahay maalmaha ciidaha Muslimiinta ka dibna Go’aan ayay ka gaari doonnaan in lagu soo daro warqadda codeynta si dadku ugu codeeyaan maalmaha Ciidaha Muslimiinta.

Fadlan waa Muhiim Maalinkaasi oo ah February 3 2014 Saacadda la baxayo waa 11:00 subaxnimo laakiin wxaa habboon in  9-ka ama 10-ka la yimaaddo buses free ah ayaa dadka ka qaadi doonna halkaasi soona celin doonna.

Halkan ka Dhageyso Ogeysiisa oo Cod ah

Address-ka masjidka waa 14101 Tukwila International  blvd Tukwila,WA 98168.

Al yaqiin.com
Halgan.net