.gif)
Qarax ka dhacay magaalada Kismaayo oo geystay Khasaaro kala duwan
February 22, 2014 - Written by Editor
Kismaayo:-Wararka naga soo gaaraya magaalada Kismaayo ee xarunta gobalka J/hoose ayaa sheegaya in weerar lagu qaaday Gaari ay saarnaayeen askar ka tirsan ciidanka mamulka Jubba kuwaas oo marayey xaafada Faanoole.
Weerarka ayaa waxaa uu ahaa miino dhulka loogu aasay ciidamada Maamulka KMG ah ee Juba waxaana weerarka ku dhaawacmay 4 qof oo shacab ah oo wadada marayey. Warar hordhac ah ayaa sheegaya in ciidamada Maamulka KMG ee Juba aysan gaarin wax khasaaro ah.
Dadkii ku dhaawacmay qaraxa ayaa lagu dabiibayaa isbitaalka guud ee magalada Kismaayo ee xarunta gobalka J/hoose.Qaraxan miino ee maanta ka dhacay Kismaayo ayaa waxa uu kusoo aadayaa xili ay ciidamada KMG ee Juba ay ka wadaan howlgalo kala duwan gudaha magaalada Kismaayo.
Cabdi Yare
Kismaayo
