Shirkada Hormuud oo maanta joojisay adeegii Internet Mobilka

Muqdisho:-Waxaa maanta si rasmi ah Shirkadda Isgaarsiinta Hormuud ay u joojisay adeegii Internet-ka ee Telefanada gacanta ee 3G ka dib markii Al-shabaab uu amaro dul dhigay shirkaddaha Is- gaarsiinta ee ka howl gala Koonfurta dalka Soomaaliya. Shirkadda Is gaarsiinta ee Hormuud ayaa horay waxaa ay adeegii Internet-ka ee Teleefanada gacanta ee 3G uga joojisay deegaanada ay ka taliyaan Al-shabaab balse talaabada hadda ay Shirkadda Hormuud adeega 3G kaga joojisay deegaanada kale ee gacanta ay ku hayaan Dowladda Federaalka Soomaaliya ayaa ku tusinaysa in cadaadis xooggan uu la soo darsay howl wadeenada Shirkadda Is gaarsiinta ee Hormuud.

Madaxda Dowladda Federaalka Soomaaliya ayaa digniin ku siiyey shirkaddaha is gaarsiinta in aysan fulin amarada ka soo baxay Al-shabaab haddii  ay go’aamadaas ay fuliyaan shirkaddaha is gaarsiinta talaabo adag laga qaadi doono. Shaqaalaha Shirkadda Hormuud  ayaa sheegay in ay xal u raadin doonaa  adeega  internetka Teleefanada gacanta ee 3G ay joojiyeen iyagoo bilaabi doona farsamooyin kale oo xal ay ku raadin doonaan.

Kooxda Al-Shabaab ayaa bayaan ay soo sareen 8 bisha Jan waxay fariin u direen shirkadaha adeega Internet Mobilka in ay joojiyaan waxaana arinkaas dadka falanqeeya arimaha Soomaaliya ay ku macneeyeen in ay jiraan Jawaasiis diyaaradaha duuliye la,aanta ah haga kuwaas oo khaarajiyey saraakiil ka tirsan Al-Shabaab.

A/cawaale
Halgan.net