Taliyihii ciidanka ammaanka ee maamulka KMG ah ee Jubba oo lagu dilay Kismaayo

Kismaayo:-Taliyihii ciidanka ammaanka ee maamulka KMG ah ee Jubba, Ciise Kaambooni ayaa caawa waxaa lagu dilay magaalada Kismaayo ee xarunta gobalka J/hoose waxaana weerarka lagu dilay ka soo baxaya warar kala duwan.

Wararka qaar ayaa waxaa ay sheegayaan in koox hubeysan oo wata gaari Tikniko ah ay ku weerareen gurigii uu taganaa dagaal mudo kooban socdayna lagu dilya  Taliyihii ciidanka ammaanka ee maamulka KMG ah ee Jubba, Ciise Kaambooni  iyo laba askari oo ilaalo u ahayd.

Dhinaca kale warar ayaa sheegaya in la weeraray gaari uu watay Taliyihii ciidanka ammaanka ee maamulka KMG ah ee Jubba, Ciise Kaambooni  oo marayey xaafada xaafadda Farjanno  halkaasa uu ku dhintay . Kooxda weerarka geystay ayaa goobta isaga baxsaday waxaana caawa ka socda magaalada Kismaayo howlgalo ay wadaan ciidanka Maamulka Juba.

Ilaa haatan ma  jiraan wax war ah oo ka sooo baxay Madaxda Maamulka KMG ee Juba ,mana jirto cid sheegatay dilka Ciise Kaambooni.

Cabdi Yare
Halgan.net