.gif)
Taliyihii Saldhiga Degmada Galdogob Muumin Maxamed Muumin oo la dilay
February 23, 2014 - Written by Editor
Galdogob:-Wararka aan ka helayno degmada Galdogob ee gobolka Mudug ayaa sheegaya in lagu dilay Degmada Galdogob Taliyihii Saldhiga Muumin Maxamed Muumin. Dilka taliyaha Degmada Galdogob ayaa waxaa geystay mid ka mid ahaa ilaaladiisa lamana garanayso ilaa haatan sababta dhabta ah ee ka danbeysa dilka Taliyaha Saldhiga Degmada Galdogob.
Maamulka Degmada iyo Maamulka isbitalka guud ee Galdogob ayaa sidoo kale warbaahinta u xaqiijiyey in dad rayid ah ay ku dhaawacmeen rasaasta uu furay gacan ku dhiiglaha dilay Taliyihii Saldhiga Degmada Galdogob Muumin Maxamed Muumin.
Dilka ka dib ayaa waxaa goobta soo gaaraya ciidamada Booliska iyo kuwa Daraawiishta Degmada Galdogob iyaga oo howlgalo lagu soo qabanayo gacan ku dhiiglaha ka bilaabay Degmada Galdogob.
M_M Deeq
Halgan.net
