Hoobiyaal lagu weeraray caawa magaalada Dhuusamareeb

February 4, 2021 - Written by Editor

Dhuusamareeb:-Wararka ka imaanaya magaalada Dhuusamareeb ee xarunta Gal-Mudug ayaa sheegay in caawa magaalada lagu maqlay dhawaqa Hoobiyaal ah iyo rasaas fara badan oo ka dhacaysa duleedka magaalada gaar ahaan dhinac garoonka diyaaradaha ee Dhuusamareeb.

Wararka ayaa sheegaya in dablay hubaysan ay weerar ku qaadeen xero ciidan oo ku taal duleedka magaalada Dhuusamreeb ka dibna uu dagaal dhexmaray ciidamada ku sugnaa xeradaas walow ilaa hadda aan la ogayn khasaaraha ka dhashay weerarka caawa.

Dhinac kale saraakiil ka tirsan Ciidanka dowladda Federaalka Soomaaliya ayaa u xaqiijiyey warbaahinta dowladda Federaalka Soomaaliya weerar caawa waxaan ay xuseen in ciidanka dowladda Federaalka gaar ahaan kuwa Gor-Gor ay iska caabiyeen weerarka Al-shabaab.

Wasiirka Amniga dowlad-goboleedka Galmudug Axmed Macalin Fiqi iyo Taliyeyaasha howlgalka hoggaaminayay oo la hadlay warbaahinta dowladda Federaalka Soomaaliya ayaa sheegay in howlka caawa ay ku dileen ilaa 8 xubnood oo ka tirsan ururka Al-shabaab iyagoona gacanta ku dhigay gaadiid, Hoobiye iyo hub fudud oo lagu dhibaatayn lahaa shacabka magaalada Dhuusamareeb.
A/cawaale
Halgan.net

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

257,025 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>