Ciidamada PSF ee Puntland oo Boosaaso ku qabtay Walxaha Qarxa.[Video/Masawiro]

Boosaaso:-Ciidamada PSF ee Puntland ayaa waxaa ay howl gal ka sameeyeen xaafaddaha magaalada Boosaaso ee xarunta Gobolka Bari waxaan ay ku guulaysteen in ay kaga hortagaan qaraxyo ay Al Shabaab ku diyaarinaysay goobo ku yaal magaalada Bosaso

Ciidamada PSF ee Puntland ayaa waxaa ay ku howl galeen xog iyo warbixino ay helleen waxaan ay bartilmaamsadeen goobihii ay yaaleen walxaha qarax oo ay xubno ka mid ah ururka Al-shabaab ay doonayeen in ay u adeegsadaan qaraxyo ay ka fuliyaan Boosaaso.

Saraakiisha Ciidamada PSF ee Puntland ayaa sheegay in qaraxyada ay saaka qabteen la doonayey in loo qaado Buuraha Calmadow si loogu dhibaateeyo Ciidamada difaac Puntland ee ku sugan Buuraha Calmadow ee Gobolka Bari.

Ma ah markii ugu horaysay oo ay Ciidamada PSF ee Puntland ay qaraxyo iyo xubno ka mid ah Al-shabaab ay ku qabtaa magaalada Boosaaso, Saraakiisha Ciidamada PSF ee Puntland ayaa ka codsaday dadweynaha reer Boosaaso in ay xogta la soo wadagaan haddii ay arkaan falal amaanka lid ku ah.

no images were found

M_M_Deeq
Halgan.net