Madaxweynaha DFS oo ka hadlay weerarkii lagu qaaday Madaxtooyada Soomaaliya (Dhageyso)

Muqdisho:-Madaxweynaha DFS Xasan Sh. Maxamuud ayaa si qoto dheer uga hadlay weerarkii lagu qaaday xarunta Madaxtooyada Soomaaliya waxaana uu sheegay in weerarka uusan waxba u dhimi doonin dowlada Soomaaliya.

Madaxweynaha DFS Xasan Sheekh Maxamuud ayaa tacsi u diray eheladii dadkii ku dhintay weerarkii lagu qaaday Villa Soomaaliya wuxuu alle uga baryey kuwii ku dhaawacmay in alle caafiyo dhamaantood.

Madaxweynaha DFS ayaa yiri “Waxba iskama keen bedelin, dagaal ayaa ku jirnaa, nama qal qal gelineyso, waxaa ka qaadeynaa  dhiiranaan, geesinimo iyo dhabar adeyg.

Madaxweynaha DFS ayaa sheegay in Al-Shabaab uu duulaan balaaran ku soo socdo wuxuuna sheegay in dagaalkaas uu noqon doono kii Al-Shabaab dalkaan oo dhan looga ciribtiri lahaa.

Madaxweynaha DFS Xasan Sheekh Maxamuud ayaa si caro leh u yiri Soomaaliya waa Muslin ha dhageysanina dacaayada Al-Shabaab wuxuuna sheegay in Shacabka Soomaaliyeed ay diinta islaamka Faafiyeen isaga oo tusaale u soo qaatay jaaliyadaha Soomaaliyeed ee ku dhaqan Yurub iyo Mareykan .

Hoos ka Dhageyso Shirka Jaraa,id uu Madaxweyne Xasan Sheekh Maxamuud ku qabtay xarunta Madaxtooyada Soomaaliya.

A/Cawale
Halgan.net