Diyaarado Afar Gantaal ku dhuftay degmada Baardheere ee Gobolka Gedo

Baardheere:-Diyaarado nooca dagaalka ah ayaa duqeymo ka geysteen wax yar ka hor degmada Baardheeere ee gobolka Gedo, iyadoona lagu soo waramayo in diyaaraduhu ay weli wadaan duqeynta waxaana kala firxaday shacabkii oo u kala carary guryahooda. Mid ka mid ah Dad goobjoogayaal ah ayaa u sheegay Halgan.net in diyaaradaha ay ilaa afar Gantaal ku dhufteen halka lagu magacaabo  ADC oo ah  duleedka degmada Baardheere.

Wararka ugu danbeeyey ee naga soo gaaraya Degmada Baardheere ayaa sheegaya in uu jiro khasaare soo gaaray dadka rayidka ah ee ku dhawaa xarunta ADC.

Wixii warar ah oo aan helo waan idiin soo gudbin doonaa inshalaah .

C/Casiis Maxamed
Halgan.net