Gaari ku qarxay afaafka hore ee Garoonka diyaaradaha ee Muqdisho

Muqdisho:-Wararka naga soo gaaraya magaalada Muqdisho ayaa sheegaya in qarax uu ka dhacay afaafka hore ee Garoonka diyaaradaha ee Aden Cadde waxaana qaraxa uu geystay khasaaro leh dhimasho iyo dhaawac Warar hordhac ah ayaa sheegay in haweenay ay ku dhimatay qarax halka dhowr qof oo kale ay ku dhaawacmeen.

Gaari la soo buuxiyey walxaha qarxa ayaa waxaa lagu weeraray 4 gaari oo ay la socdeen saraakiil ka tirsan QM , kuwaas oo ku sii jeeday garoonka Diyaaradaha ee magaalada Muqdisho mid ka mid ah gawaaridii ay wateen ayaa waxaa gaaray burbur xoogan.

Wararka kale ayaa sheegaya in qaraxan uu ka dhashay gaari la dhigay nawaaxiga Baar Sultaan .Lama oga ilaa haatan khasaaraha dhabta ah ee ka dhashay qaraxaasi..Gaadiidka Ambulance ayaa haatan wili guraya dadweynihii ku dhaawacmay qaraxa waxaana goobta xiray oo soo gaaray ciidamo ka tirsan DFS iyo kuwa AMISOM.

Kooxda Al-Shabaab ayaa sheegay weerarka lagu qaaday saraakiil ka tirsan QM oo ku sii socday garoonka diyaaradaha ee Aden Cadde waxayan sheegtay in khasaare lixaad lihi ay gaarsiiyeen waxayna sheegeen in ay dileen 13 qof oo saddex ka mid ah ay yihiin  saraakiil caddaan ah iyo tobaneeyo askari oo ilaalo u ahayd.

Dhanka kale Guddoomiye ku xigeenka dhinaca amniga u qaabilsan gobolka Banaadir, Warsame Maxamed Xasan Joodax ayaa sheegay in qaraxa ay ku dhinteen 6 qof oo rayid ayna ku dhaawacmeen 15 kale.

Warka oo faahfaahsan dib baan idiinka soo gudbin doonaa hadii alle yiraahdo.

A/Cawale
Halgan.net