Gacan ku dhiiglihii dilay Taliyihii Saldhiga Goldogob oo la soo qabtay

Goldogob:-Wararka saaka naga soo gaaraya Degmada Goldogob ee gobalka Mudug ayaa sheegaya in ciidamada amaanka ay saaka gacanta ku soo dhigeen gacan ku dhiiglihii  dilay Taliyihii Saldhiga Goldogob Muumin Maxamed Muumin. Gudoomiyaha degmada Goldogob Siciid Ismaaciil Kaytoon ayaa warbaahinta u xaqiijiyey in gacanta lagu soo dhigay askarigii dilay Taliyihii Saldhiga Goldogob Muumin Maxamed Muumin waxaana haatan ku socoda baaritaan.

Dhanka kale Taliyaha Qaybta booliska Gobolka Mudug C/laahi Shire Dool oo haatan ku sugan degmada Goldogob  ayaa waxaa uu sheegey in lasoo qabtay askarigii dilay taliyaha saldhiga Degmada Goldogob wuxuuna sheegay in ay hayaan xogta ah in uu jirey muran u dhexeeyey taliyaha iyo askariga dilay kaas oo salka ku hayay dhanka Mushaarka.

Taliyaha Qaybta booliska Gobolka Mudug C/laahi Shire Dool ayaa sheegay in ay wili socdaan baaritaano iyo kulamo u socda odayaasha dhaqanka ee Degmada Goldogob.

M_M Deeq
Halgan.net