Sh. Abu Khaled Al-Suuri oo lagu dilay dalka Suuriya (Daawo)

Suuriya:-Sh.Abu Khaled Al-Suuri ayaa waxaa lagu dilay magaalada Aleppo ee dalka Suuriya waxaana uu ka mid ahaa saraakiisha sare ee Mujaahidiina Ahrar al-Sham waxaa dilay laba ka mid ah Khaawrijta dhibaatada ka wada dalka Suuriya ka dib markii ay weerar is qarxin la beegsadeen xarunta ay lahaayeen Mujaahidiina Ahrar al-Sham .

Mujaahidiinta Ahrar al-Sham oo ka mid ah Jabhadda Islaamiga ee dalka Suuriya ayaa guulo badan ka soo hoysay dagaalka ay kula jiraan dowlada Suuriya ee uu madaxweynaha u yahay Bashaar Asad.Dilka Sh.Abu Khaled al-Suuri ayaa waxaa loo badinayaa in ay ka dambeeyeen kooxda Daacish waxaana socda baaritaano ay wadaan kooxaha Mujaahidiinta ee dalka Suuriya .

Haddaba Muxuu galabsaday Sh.Abu Khaled al-Suuri oo loo dilay waxaa loo dilay markii uu naseexooyin badan u jeediyey kooxda dhaqanka ka dhigtay gaaleysiinta iyo dilka Muslimiinta. Daacishta Suuriyo iyo Daacishta dalka Soomaaliya ayaan waxba ku kala duwaneyn iyaga mar walba laaya Culumada iyo waxgaradka ay is leeyihiin waxay saxayaan qoloociina.

Sh.Abu Khaled Al-Suuri ayaa aad uga digay kooxda Daacish inxiraafka ay ku dhaceen iyo in kooxda Daacish ay laga yaabo in ay ku jiraan sirdoon badan oo u shaqeeya dowlado badan . Sh.Abu Khaled al-Suuri ayaa sidoo kale ka hadlay dilka iyo gaaleysiinta  ay kooxda Daacish ka geysteen dalka Suuriya.

Halgan.net ayaa idiin soo gudbin doonta risaalooyin kala duwan oo uu qoray Sheekh Abu Khaled al-Suuri hadii alle idmo.

Hoos ka Daawo Baaqii iyo Naseexooyinkii dartiis loo dilay alaha u naxariistee Sheekh Abu Khaled al-Suuri

C/Casiis Maxamed
Halgan.net