Taliyihii Booliska Puntland muxuu ka yiri xilka laga qaaday

Garoowe:-Ugu horeyn waxaan halkan uga hambalyeynayaa S/Guuto Maxamed Cali Xaashi oo loo magacaabay taliyaha ciidanka booliska Puntland, waxaan u rajaynayaa in Alle ku asturo kuna guuleeyo masuuliyadda loo igmaday.

Ciidanka booliska iyo dadweynaha reer Puntland ayaan uga mahadcelinayaa wada-shaqeyntii wanaagsaneyd mudadii aan xilka hayay, anoo fursadan ka faa’ideysanaya farayaa inay wadajir uga shaqeeyaan xoojinta amniga iyo xasiloonida Puntland.

Ugu dambeyntii waxaan mahad u soo jeedinayaa Madaxwayne H.E Said Abdullahi Deni oo fursad ii siiyay inaan umadda reer Puntland u adeego, waxaana u rajayanayaa Puntland Guul iyo horumar.

Mahadsanidiin